حافظ آباد(۔۔۔۔۔۔) پولیس نے ماہ جون کی کارکردگی رپورٹ جاری کردی،5 گینگز سمیت972 ملزمان گرفتار،33 لاکھ روپے سے زائد مالیت کا مال مسروقہ برآمد، ڈسٹرکٹ پولیس شہریوں کے جان و مال کے تحفظ کےلئے پوری طرح متحرک ہے۔ تفصیلات کے مطابق حافظ آباد پولیس نے ماہ جون کے دوران منظم جرائم اور جرائم برخلاف مال کے خلاف مثالی کارکردگی کا مظاہرہ کرتے ہوئے چوری ،ڈکیتی ،راہزنی،مویشی چوری ،موٹر سائیکل چوری جیسے سنگین جرائم میں ملوث5 گینگز سمیت مجموعی طور پر مختلف نوعیت کے مقدمات میں ملوث972 ملزمان گرفتار کر لئے ۔ گرفتار کئے جانے والے ملزمان کے قبضہ سے 33 لاکھ روپے سے زائد مالیت کا مال مسروقہ برآمد کر لیا گیا۔ اشتہاری مجرمان کے خلاف چلائی جانے والی خصوصی مہم کے نتیجہ میں اے کیٹیگری کے46 خطرناک اشتہاری مجرمان سمیت139 اشتہاری مجرمان گرفتار کئے گئے ہیں۔ ڈی پی او حافظ آباد محمد معصوم کی ہدایت پر منشیات فروشوں کے خلاف ٹارگٹڈ آپریشن کے نتیجہ میں50 منشیات فروش گرفتار کر کے2 کلو 4 سو گرام ہیروئن،51کلو سے زائد چرس،3 کلو8 سو گرام افیون،434 بوتل شراب،380 لیٹر لہن اور5 چالو بھٹیاں شراب قبضے میں لے لی گئی۔انٹیلی جنس معلومات کی بنیاد پر ناجائز اسلحہ کے خلاف کی جانے والی کاروائیوں میں ملزمان کے قبضہ سے 3کلاشنکوف ،06 رائفل،07گن،43 پسٹل، 1 ریوالور اور 735 گولیا ں برآمد کر کے 63 مقدمات درج کر لئے گئے ہیںجبکہ 75 فیصدسے زائد مقدمات کے چالان مکمل کرکے عدالتوں میں جمع کروائے گئے۔ڈی پی او حافظ آباد کا کہنا تھا کہ جرائم پیشہ عناصر کے خلاف گھیرا تنگ کر دیا گیا ہے اور ڈسٹرکٹ پولیس شہریوں کے جان و مال کے تحفظ کےلئے پوری طرح متحرک ہے۔
